Sabirabad şəhərinin “Su Təchizatı və Kanalizasiya Sistemlərinin Yenidən Qurulması” layihəsi üzrə 1676 metr magistral su xətti, 149621,2 metr su şəbəkəsi, 124531 metr kanalizasiya şəbəkəsi, 9866 metr kanalizasiya kollektoru çəkilməsi nəzərdə tutulmuşdur. Bundan başqa, rayon ərazisində tutumu 5000 m3, gücü 77760 m3/gün olan 2 ədəd Çirkab Su Təmizləyici qurğunun tikilməsi də planlaşdırılmışdır. Bu qurğu Sabirabad və Saatlı şəhərlərinin və onlara yaxın kəndlərin kanalizasiya sularının təmizlənməsi üçün layihələndirilmişdir.
Sabirabad şəhəri üzrə nəzərdə tutulmuş işlərin böyük bir hissəsi, o cümlədən, su şəbəkəsi, magistral su xətti artıq çəkilmiş və su anbarının binasının tikintisi demək olar başa çatmışdır. Bu layihənin icrası 32600 nəfərin 24 saat fasiləsiz içməli su ilə təmin olunmasına şərait yaradacaqdır.
